Proiektuak
Zer egingo da bertan?
Amillubiko Talde Eragiletik hainbat behar identifikatu, definitu eta lantzen ari gara eragile desberdinekin elkarlanean. Erosketa fasean gaudela kontutan izanda, lan ildoak bi denboratan sailkatu ditugu:
Epe motzeko proiektuak: bertan 3 bide lantzen ari gara. Alde batetik, espazioa erabilgarria izateko, behar dituen konponketak eta azpiegiturak eraiki ditugu. Mantenu lanak sistematizatzen gabiltza, lurrak txukun mantentzeko. Beste alde batetik, nekazal jarduerarekin hasi gara eta ekoizpenarekin lortutako dirua erosketarako bideratuko da. Aldi berean, Amillubiko espazioa Biolurreko lan-taldeetako formazio saioetarako erabiltzen hasita gaude.
- Mantenu, azpiegitura konponketa eta eraikitze lanak: baserri inguruko belarrak mantendu, aterpea bilgune izateko txukundu, biltegia izango den espazioa hustu eta konponketak egin, ur sistema muntatu, komuna jarri, elektrizitate sistema berritu, ur zikinak kudeatzeko fitodepurazio sistema martxan jarri…
- Nekazal lanak:
- Porru landara ekologikoen lurreko mintegia prestatu: helburua 150.000 porru landara ekoiztea da. Ekoizle zein eskualdeko herritarrei eskainiko zaie.
- Babarrun eta arto elkartea (5000 m2) eta babarrun motz kultiboak (800 m2) martxan jarri ditugu. Ekoizpenaren zati bat Aleka elkartearentzat (Euskal Herriko hazi ekologikoak) izango da eta bestea kontsumo elkarteetan salduko dugu.
- Formazio eta sentsibilizazio saioak:
- Emakumeentzako* makinaria ikastaroa. Biolur eta Bionekazaritza elkarteak lankidetzan eskainitako ikastaroak.
- Biolurreko baratzezainen III. foroa: Laboreetan sakontzen (Tipula eta porrua).
Epe luzeko lan ildoak: sektorearen beharrei erantzunez bertan garatuko diren proiektuak zehazten ari gara. Oraingoz prozesuan jasota ditugun lan ildoak honako hauek dira:
- Ekoizleei lurra baldintza egokietan uztea ahalbidetzea
- Laborarientzat, modu kolektiboan, lan baldintza duinak sortzea
- Laborantzan hasi nahi dutenentzat proba leku funtzioa betetzea
- Laborantza agroekologikoaren esperimentazio gunea martxan jartzea
- Eraldaketa gune bat sortzea (azpisektorea definitzeke)
- Tresneria amankomuna gordetzeko gunea izatea
- Elikagaien hornikuntza-unitatea sortzea