Pasa den igandean ikasturteko azken auzo(p)lana egin genuen Amillubin. Aurten martxan jarri dugun ekimenaren ziklo hau ixten.
Goizetik elkartu eta lainoak lagunduta ekin genion lanari. Lan-zerrenda luzea genuen, eta zerrendaren lehen puntuan geratu ginen, arto eta babarrun saila handia baita, eta belarra majo hasita baitzegoen. Baina luze eta gustura ibili ginen lanean eta lan asko egin ere.
Lana pilatuta genuelaeta konfiantzazko giroan ginela ikusita, plana zertxobait moldatu genuen. Lanak amaitutakoan Amillubitik bisita egin ordez, goiz erdian, kafea eta bizkotxoa jatearekin batera okin taldeko eta Sosola baserriko Enrikek kontatu zigun nola izan den Amillubin garia ekoizteko prozesua. Horren ostean, lanean jarraitu genuen eta 14.30ak aldera mokadu goxo batekin amaiera eman genion Auzo(p)lanari.
Eskerrik asko bertaratu ziren guztiei, arto eta babarrunari astindu ederra eman genien, eta guk bezala eurek ere eskertuko dutela ziur gaude.
Esan bezala, ikasturteko azken auzo(p)lana izan da, baina udaran zehar auzolanekin jarraituko dugu. Udazkenean berriz ere auzo(p)lan formatuan biltzeko parada izango dugu.
Udara ona izan, eta zalantzarik ez egin auzolanetara bertaratzen!!
